قصيدة (عنق الزجاجه) للشاعره معربة الجدين
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله مالي بضحكة السن حاجه=ولالي مع هالعالم اليوم مجلاس
قل للفرح يقبل علي انتواجه=مليت أنا أنثر همومي في كراس
الدمع لايطفي فتيلة سراجه=خله يزين عمري إبكل نوماس
خله يفل بضحكتي من حجاجه=خله يقاوم عبرتي قدم الإحساس
والحزن دايم منعدم بانفراجه=مايقبل القسمه على ربع الأسداس
مليت أجامل ضحكتي واختلاجه=مليت أبات ودمعتي تذهب الراس
تلفظني الأمواج يوم المواجه=وتلطمني الهوجا وتشتد الأنفاس
وأشرب من المالح كثير الهماجه=كن الأوادم مابها غيري أغطاس
والبحر مايقبل يفك ازدواجه=ويرمي همومي من ورى ذيك الأطعاس
وياليلي اللي آبي(ن) بإنبلاجه=خل الصبح ينعش هوانا بنسناس
خله يدور في دموعي علاجه=خله يكون لفرحتي دوم نبراس
وخله يصد ولايقول احتجاجه=وش ماخذه الدموع ياغير الإفلاس
ولاينقلب صبحي بعكرة مزاجه=ولاتأخذ عيونه مع ليله انعاس
وقله يوسع مابقى بإنفجاجه=الله كريم ويشمل الحال والناس
ولاغبرت تالي سماي بعجاجه=ماتصفق ايديني على وقتي أخماس
وماعاده شعوري متوج في تاجه=تأخذني الريبه على كل هوجاس
لاذقت صافي العلم ماترك هماجه=يصيبني من فعلة الناس وسواس
وأناديَ الحظوظ من دون حاجه= وأسمع صدى صوتي مع دق الأجراس
هو واحد اللّي مبتلينا رواجه؟؟=هم واجد اللي فعلهم فعل خناس
وكم صادق(ن) نبغاه .. نبغى اندماجه=وكم كاذب(ن) عده مع باقي أنجاس
اللي كريه(ن) نبتسم في انزعاجه=واللي حبيب(ن) من ذهب وأوقية ماس
كم لحظة(ن) وافت في عنق الزجاجه=كنت الحكم فيها بلا غطرسة راس
وياليت صبحي مايفل انبلاجه=يبقى لي سراج(ن) في ليل أسهره ياس[/poem]
اختار من ابداع الشاعر سعد بن مناحي بن شفلوت
|