[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black"]
حلالاه يا وقت ٍ مضى يا حلالاه=يوم إن العرب ما شككت في بعضها
يوم إن القلوب إصحاح والطيب تلقاه=ما بين العرب حجه وكل ٍ فرضها
ما هو وقتنا اللي شاينات ٍ حلاياه=وقلوب العرب مرضى وزايد مرضها
تشوف الحسد والكره من بينهم جاه=مطالب على كره النفوس وبغضها
يا حتى الأخو لأخوه وشلون يشناه=ويزراه بالشينه وزاد وعرضها
عرضها على ناس ٍ تلقف عطاياه=ولا فيهم اللي ردها وإعترضها
نعيب الزمن والعيب فينا سواياه=ولو الزمن عيبه على الناس يضها
لو إن الزمن يمشي على كيف مشهاه=ما شفت الأوادم تشتكي من حظظها
ما أعم الجميع وكل شخص بمزاياه=وكل ٍ على ما قيل نفسه حفظها
على الزين وألا الشين تبقى سجاياه=يا محمودة ٍ وألا ذميمه غرضها
ومن قدم الحسنه حسانيه وياه=ومن قدم السيه بسيه قبضها
يقوله بعد شاعر هجوسه تحاداه=ومن فتل بيوت المعاني نقضها
كتب له قصيده في زمان ٍ تمناه=وحكمها بجزلات البيوت وعرضها[/poem]