عبدالله الفهادي

[poem= font="Arial,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

أشوم من الوطا .. و أرسم لنيـل الطايـلات دروب=و أحدد من ورى نجم الجدي .. و سهيل .. مجلاسي
أخاوي طيبيـن السيـره اللـي ف.. اللـزوم تنـوب=رجـال معرفتهـم زود عـز .. و زود نومـاسـي
رجال ما هـي بتلبـس ثيـاب الـود .. بالمقلـوب=طحاطيح ف.. بحر الكايـد مـن الطيـب غُطاسـي
ليا من صك جال بجال .. و الطالب غـدى مطلـوب=بيارقهـم ترفـرف بالثنـا .. مـع كـل نسنـاسـي
نحب الطيب و نطوله .. و لا نقصر عن الماجـوب=فعـول ذكرهـا بـيّـن .. جـديـداتٍ و دراســي
يجينـا داعـي الأمجـاد .. منـدوب ورى منـدوب=و نلبي .. لو يحاصرنا الزمن مـن بيـن الأقواسـي
صحيح إن الدروب أنواع .. لكن نعشـق المهيـوب=و يصّلنـا مـداه .. إنـا نسيـر و نطـرد اليأسـي
و إذا قلت عطايا اليد .. و الحظ السخـي مسلـوب=عطايا القلب .. ما تنضـب و لا تحصـى بمقياسـي [/poem]

أبو متعب

صح لسانك وبيض اللـه وجهك

يجينا داعي الامجاد مندوب ورى مندوب / ونلبي لو يحاصرنا الزمن من بين الاقواسي

أقول والله وعلي الطلاق انكم كفو ياصبيان الرفاقه من أولا ومن تالي على قولتك

نحب الطيب و نطوله .. و لا نقصر عن الماجـوب / فعـول ذكرهـا بـيّـن .. جـديـداتٍ و دراســي

يامحمد أنت أكبر من شاعر مبدع
أنت ماشاء الله عليك .

اخوك / عبدالله الفهادي