[align=center]بسم الله الرحمن الرحيم

بعد السلام اترككم مع ماقلته في رحيل الشيخ عبد العزيز بن جامع

رحمه الله رحمه واسعه [/align]

[poem=font="Arial,4,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله بنواً منك يكسي سمانا=خشوم مزنه كالقصور المبناه

ينساق بأمرك يم هاك المكانا=يم النسيم وعن يمينه ويسراه

شهلول دفاقه برفق وطمانا=يصب من فوق المقابر حمل ماه

ويسقي ضريح الي فراقه دهانا=ربيع تالي يوم تسعه دفناه

يالله إلتجبر فابوخالد عزانا=شيخ المواقف راع الطيب والجاه

شواهد فعوله عياناً بيانا=ياقل من سوى بربعه سواياه

تنومس فعوله وسيع البطانا=ياكم معدوماً بعد ربي اغناه

وعتيبه الهيلا نعت مع نعانا=مابه عتيبي ماكظم غيض فرقاه

شي نشوفه مايبي له مثانا=ثقيل وزن وفي عتيبه فقدناه

مواقفه تنطق ولوماحكانا=لليم جموعٍ عن يساره ويمناه

في قصره العامر سوات الاخوانا=وقال إجتماع الصف مانقبل سواه

اقنع برايه طيبين المجانا=شيخ مداه بعيد وسماناً ارياه

ومعشي الهيلا مع الحشو ظانا=ولاساقها يبى وراهاالمثاراه

وحصل وسامٍ للسوالف ظمانا=من قال حاتم ماكذب يوم سماه

ماينمحي يبقى طوال الزمانا=هذاه حاتم طي لأليوم طرياه

وحاتم عتيبه له حقوقً علانا=نذكر فعولٍ مافعلها مراياه

من شان لاقفى مانشح بدعانا=يالله يارب الكون تدمح خطاياه

وتجزيه عن فعل الحساني حسانا=وبالعفوتجعله من النار منجاه

وتجعل مقره وسط خضر الجنانا=والحمدلك والي قضيته رضيناه

عدلٍ قضاك وفيك علق رجانا=ثم فالرجال الي تحلوا سجاياه

يالله اطوا في عمارامورانا=جامع وفي باقي اخوانه مكافاه

عقب الولي هم يالدويله ذرانا=وتم الكلام الي من الراس جبناه

يالله للتجبر فابوخالد عزانا= شيخ رحل ماتنمحي دوم ذكراه[/poem]

[align=center]وسلامتكم[/align]