السلام عليكم ورحمة الله وبركاته

جديد أتمنى أن تحوز على أقل درجه من الرضا



[poem=font="Arial,5,darkblue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الغلا والحب من قلبـي وهبتـه=واحدٍ ماهوب يدري وش جرالـي

مادرى ان الليل مع همي سهرته=هاجسٍ يقفي وهاجـوسٍ قبالـي

مادرى ان الدمع من عيني سكبته=فوق خدي مثل مفتول الحبالـي

ليت ربي ماصدفني بـه وشفتـه=كان ببقا عايش والفكـر خالـي

بس شفت اللي تملكني بصمتـه=والعيون اللي هدبها لـه ظلالـي

ضعت في بحر المحبه يوم غصته=مادريت اين الجنوب من الشمالي

احسب ان الحب حلو لين ذقتـه=نوبةٍ ياتيك مـر ونـوب حالـي

والله ان حبك تملكنـي وعفتـه=بس ماللجرح عن شوفك مجالـي

ان رحمت الحال والا مارحمتـه=وين ماشديت شدينـا الرحالـي [/poem]

محبكم الشاعر / عبدالله الفهادي