فالح المصعوك

اللّيله , الهمّ له برزه بحـدْب الضلـوع
ماكنّ له مـن عبـادالله غيـري رفيـق
من اوّل اللّيل بارز بـي لقبـل الطلـوع
كنّه مايرتاح لين اضلوع صدري تضيق .!
وأنا لامن ضقت .؟ بنصا من خيار الرّبوع
رجلٍ ليانامت اعيـون الهلامـه , يفيـق
ماحن بمتخالفيـن الـراي والا الطبـوع
ومابيننا اكبر من اسرار الشقيق لشقيـق
فإن جيت له فالي الفنجال عقب القدوع
في مجلسٍ من ربوع الطيـب مايستضيـق
والى تحفّاني وطـرّق علـيّ السّمـوع ؟
حكيت له عن حمولٍ ثقل قمّـة طويـق
ياصاحبي .. حملي اتعبني ووقتـي يلـوع
وعـزالله انْ مجرياتـه ماتسـرّ الصديـق
اساير ايّامه الغبـرا , وحظّـي قطـوع
اللّي تدور السنه , ويويـق ولايويـق .!
إيشبّ فضلوعي الغبنهْ .. وناره ولـوع
ولاامسي الا ضلوعي غاديـاتٍ حريـق
ايدنّع الوقت ؟ من له عـادةٍ فالدّنـوع
وإيرقّقْ اللي جِمَعْ , راسٍ وساسٍ رقيـق
لكنّ واللّي عباده لـه سجـودٍ ركـوع
اني لاحفْظ لـ. سِطَرْ راسي مقامٍ يليـق
مادمت متسلسل امن الشجْره امّ الفروع
اللي لها ظلٍّ إيظلّـلْ وغصـنٍ وريـق .!

للرااائع المبدع فهيد بن عصيدان

ووالله ماهوب مكانها مربع التوقيع يابو عصيدان

سلم فكرك

:

(استغفر الله العظيم واتوب اليه)

:


rayath.al_ezz@hotmail.com