محمد:
مرحبا ترحيبة ٍ تسوى مية ترحيبه
بالخوي اللي يوافق لي على معنايه
المعزه باقيه والرجل يبدي طيبه
فالسنين الماضيات وفالسنين الجايه
جهز:
البقا من لاد زايد يارجال اعتيبه
يا ذياب الي تساريني على مسرايه
يامحمد لو لك تال اليالي هيبه
كان ماغنابك الحداي بيت احدايه
محمد:
ياجهز قدام لاننشدك وين الغيبه
ودّي آوصيك ياهالمسعري بوصايه
انت فالمرقاب والمرقاب من يبديبه !
يعتبرها نقطة ابدايه , وخير ابدايه
جهز:
لاتوصي راعي البندق يبو نطيبه
كل رجل مكتفي في معرفته اورايه
نعم بالمرقاب وللي قام في ترتيبه
مير انا في كل ديره رافعلي رايه
محمد:
كل ظلع من الجبال السود يقنب ذيبه
وانت مرتاح و متكّي لك على تكّايه
لاتوصلها حدود الشك مدري الريبه !
ثم احطّك للعرب مابين عبره وآيه
جهز:
ليش جنبت الطريق اللي بغيت امشيبه
ونت احسبك من رجال ن ياصلون الغايه
كان تبغا اتسير في بلشه ومر امصيبه
ازعم انك يالعتيبي من كبار اعدايه
محمد:
العلوم اتطول واللي حصّل التجنيبه
يمكن انه خير اله ياصاحبي واهدايه
لو في وادي الدواسر مسجد اتصليبه
ماكتبت اكتابه ألي ولاقريت اقرايه
|