فراج القرقاح

يشّع نور القمر .. بعد إكتمـل نـوره
وأشوف وجهه على وجه القمر صوره
الصاحب اللي بحبّـه لاعـب ٍ فينـي
لعب المدلل على مقصـورة قصـوره
حبه تغلغل علـى مجـرى شرايينـي
حتّى تمكّـن وسـوّا بالحشـا ثـوره
شتـت خلايـاي وأربكهـا وجمعهـا
تجميع كـف الخواجـه أي مأثـوره
كنّـه يرتبنـي لحبّـه علـى كيفـه
وأنا على كيف كيفـه تابـع ٍ شـوره
اللي حياتـي بدونـه مالهـا معنـى
كنها حياة العمى في مجتمـع كـوره
أسس قصـوره وسوّاهـا وسوّرهـا
تسويرة ٍ من ضلوع العـز معمـوره
آروح فدوة حلاه و رَمْشَـةْ عيونـه
وآضيع من نظرته وآذوب في حـوره
أغيب وآفيق و شعوري هو شعـوري
والموت لا قام يشرح خافي شعـوره
آروح فيها على نغمة صدى صوتـه
كني موّلع ويسمع صوت أبـو نـوره
وآروح فيها على تكسيرتـه عـوده
وآميل من ميلته وآجور مـن جـوره
يجيني إن جيت له وآجي له إن جاني
وآآآهبّ روحي عليه إن هبّت عطوره
الله كتب لي هواه و لـدّ بـي صوبـه
وأنا قبل شوفته والعيـن محصـوره
والحين دامه من الله .. مالي الا هـو
دقيت زوري مثل مـا دق لـي زوره
والله فلا تلتفت عينـي علـى غيـره
إن قل شوف الردي من قل ميسـوره







علينا وعليك يتبارك




ياعبدالله .,
عزالله انك كتبت واطربت الكيف واشبعت الذائقة
لله درك
ابيات مخمخت معها
صح الله لسانك الى حد الثمالة
اعجابي ومتابعتي