|
فضـ ..فضه (2)
السلام عليكم
محاوله شعريه لعلها ترقى لاذواقكم
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
(على طريقة يانقول الجد والا مانقول)=جيت اعتزي بالشعر محتاج لمساحة فضفضه
والشعر اعدّه في حياتي خامس الاربع فصول=يزيل عن قلبي هموم الاربعه ويعوّضه
بعيد جداً عن ظروف الحب والطرف الخجول=فتحت موضوع ٍ علي ّ الوقت جابه وافرضه
وراك يابن آدم عن الدنيا وميلتها غفول؟؟=ووراك تصبح موعظه دايم ولاتاخذ عظه؟
ووراك دايم تجهل الإشكال وتدوّر حلول؟=مثل اللذي دوّر دوا سقمه قبل لايعرضه
وليش الحسد للاثريا يدعوك دايم للذهول؟=وعشان ربي مرهي لعبده بماله تبغضه؟
وليش الفقير اللي رضا بالعيش عيشه وامحصول=تكرّهه في عيشه اللي عاجبه وتحرّضه؟
شف كيف ذولا عايشين ..وكيف ذول ..وكيف ذول=واوّل عيونه عن فروقات المعيش مغمّضه
اقول لك: هذا حسد وتقول لي: هذا فضول=وش هالفضول اللي ستار عباد ربي ينفضه
ارزاق هذي والحسد ماحبه الله والرسول=وشعور تحسيسك لابو حيله قليله يمرضه
مشوار الالف الميل لاجالك شعور انه يطول=بعد ماتمشي خطوه..الباقي يجي مثل بعضه
احد ٍ مشا السكه.. واحد يركض يبي نقطة وصول=واحد ٍ وصل من دون لايمشي الطريق ويركضه
ياخي ترى الارزاق ماتعطى على قد الفعول=ريّح نصيبك صايبك ..تبغاه والا ترفضه
لو قلت باض الديك..طار الفيل اكيد انك تقول:=الفيل وشهو طيّره..والديك منهو بيّضه؟
يعني الكلام يكون بالمنطق ومقنع للحصول=على احترام الناس.. والعلم اللي تعرفه خضه
اما التخبّط ..لو تظل العمر تحكي عرض طول=مافيه احد يصغي لك وحكيك على الله عوضه
ماجيت اخاطب عاطفه ..جيت وخطابي للعقول=اليامتى تبني لنا الاوهام حلم وتنقضه؟
اللي يأمّن ميلة الدنيا مغفّل ومهبول=وعندي كذا مثال حي ان كنت تبغى موعظه[/poem]
|