مشوار الالف الميل لاجالك شعـور انـه يطـول
بعد ماتمشي خطوه..الباقي يجـي مثـل بعضـه
احد ٍ مشا السكه.. واحد يركض يبي نقطة وصول
واحد ٍ وصل من دون لايمشي الطريق ويركضـه
ياخي ترى الارزاق ماتعطى علـى قـد الفعـول
ريّـح نصيبـك صايبـك ..تبغـاه والا ترفضـه
لو قلت باض الديك..طار الفيل اكيد انـك تقـول:
الفيـل وشهـو طيّره..والديـك منهـو بيّضـه؟
يعني الكلام يكون بالمنطـق ومقنـع للحصـول
على احترام الناس.. والعلم اللي تعرفـه خضـه
اما التخبّط ..لو تظل العمر تحكي عـرض طـول
مافيه احد يصغي لك وحكيك علـى الله عوضـه
ماجيت اخاطب عاطفه ..جيت وخطابـي للعقـول
اليامتـى تبنـي لنـا الاوهـام حلـم وتنقضـه؟
اللـي يأمّـن ميلـة الدنيـا مغفّـل ومهـبـول
وعندي كذا مثال حي ان كنـت تبغـى موعظـه
شاعر
بحجمك
لايمكن ان يمر قصيده مور الكرام
رأيي
تعرفه مسبقى
هذه الدره
صافحتها اذني قبل ان تصافحها عيني
قصيده من الطراز النادر
لرجل نادر
اسمه سلطان ابن بتلا
|