[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحة سهران مالي ونيسي = في مرقبن تحرم عليه الذواري
مزموم عالي نازح اومستريسي = يكشف خفايا مقبلات الغداري
ماني بذبه غير عصر الخميسي = والبارحه ذبيت مانيب داري
عرضت رجلي للظا والوطيسي = كله لعينك يالجفا جيت ساري
المنجرح لو راح قسم الشميسي = يستقبلونه عند باب الطواري
يلقا المداوي لو جروحه مسيسي= مابين اخصائي وبين استشاري
وجرح الجفا ماله طبيبن بخيسي = يصرف له ابره واكسجين وبخاري
جرح الجفا جرحن عطيب وخسيسي = اعلاجه الفرقا لو انها جباري
وانا احمد الله مالحقني حسيسي= لانيب لاجايع ولانيب عاري
احب لم الشمل ولّي جليسي = يفخر بي اوبين القبايل يماري
باموت ماوالله غبطت الجريسي = لو فاز عن غيره بفكرن تجاري
لاكن عسا الله يرحمك يالغليسي = ويبقى عوضنا فيك راس السحاري [/poem]