ياقلم خط قـولٍ مثـل نفـح العبيـر
زيّن الخطّ قبل أضرب بـك العائـره
يالله أطلبك عونك يالسميع البصيـر
والقناعه بكسـب أرزاقنـا السائـره
لا تكبّر بنفسي شئ عنـدك صغيـر
ولا تغلّـي بقلبـي سلعـةٍ بـائـره
عالمٍ يـوم أميّـز مابقـا ألاّ يطيـر
في جناح السفر كنّه علـى طائـره
جابوا المستحيل اللي ما أظنه يصير
وصرت في دائره والجيل في دائـره
صرت في موقعٍ للقوم دائـم خطيـر
كل ما أعقل ذلولـي جوبهـا ثائـره
وأتعـزوا وأجاهدهـم جهـادٍ كبيـر
قوم خلّوا شراييـن الجسـد فائـره
أرفع الصوت كن الصوت في قعر بير
عالم اليوم مدري كيف هي صائـره
يوم أميّز علومٍ جعل في الأمر خيـر
كل ماقلـت راحـت عـوّدت حائـره
قالوا اللي تبيها روّحت من عصيـر
وأتحمّس وأطاردهـا وهـي نائـره
قلت أبا أصبر عليها مثل صبر البعير
وأتحمّل عناهـا لـوّ اهـي جائـره
هادي
بيض الله وجهك
عز الله انك كتبت لك قصيدةٍ تجمّل
سجلني من متابعينك
|