|
وكالة أخبار الشعر ...
[align=center]هالحين يوم إن الدلع ماليك
وتشوف نفسك غير كل الناس
ما تدري إنك مشغلٍ غاليك
اللي على قلبه عشانك داس
كانك تبي قلبي يبوس يديك
عشان ترضى .. يا معوّد باس
تاخذ عيوني لك وله .. واهديك
مشاعرٍ ثارت بدون قياس
مدري وش اكثر من جنوني فيك
وانا اتخيّل صورتك فـــ الكاس
أبيع كل اللي معي .. واشريك
واتنفسك في ضيقة الأنفاس
أظماك وانت الماء .. ولا يرويك
غير الدموع اللي على الكرّاس
مشكلتك انك .. من كثر ما اعطيك
تبخل علي بـــ رمشك النعــّاس
ومشكلتك إن عنادك مقسيّك
لو لان قلبك .. ما يلين الراس
أنا احترق وانت الله يخليك
بارد .. مع انك قمة الإحساس
وإن مت لا بد الخبر بيجيك
فـــ وكالة أخبار الشعر أو ( واس )[/align]
|