[align=center]


يسعدني أن أنقل لكم قصيده للشاعر الكبير عبدالله بن نايف بن عون العتيبي



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياطير عقبي كن خاطـرك شايـن=خاطرك شين وغيبتي عنك يوميـن
النقص فيك مبين(ن) لـه بوايـن=في لمعة الريشه وفي ناظـر العيـن
ياطير انـا ويـاك كنـا خدايـن=وبيني وبينك ولف ومعامل(ن) زين
يوم نتخاوى مع وجيه الضعايـن=ونهمل سبوقك في مناكب خسيرين
ولا شمـال الهضبتيـن القـرايـن=شرقي طلال ومن سواحيق ويمين
والا عطينـا سكـة التابـلايـن=ولا قد عطيناها عليهن حراذيـن
نصبح على طارات شهب المكاين=بيـن العراقيـيـن والاردنيـيـن
في خايع(ن) به كن عينـي تعايـن=ربد الحباري به على اربع وثنتيـن
وناخذ لنا أيام بذيـك الدفايـن=ومابين برقع والغدف والبسيتيـن
ونكسر على ماينحدر من ضواين=وناخذ هناك اسبوع ولا اسبوعين
وننكف انشاط وسالمين الصخاين=ولو كان نتعب عدنـا مستريحيـن
قـدام يطلـع للصقـاره زبايـن=ناس(ن) تحوش القوبعه بأم روحين
ليا روحـو بمشحنـات الخزايـن=مافي نحاهـم ذوقـوه الامريـن
واليوم مابينـي وبينـك مدايـن=انا سعودي وانت جاين من الصين
وامـا لقينـا للحبـاري عوايـن=والا توادعـنـا وداع المحبـيـن
الوقـت ماتاليـه معنـا بزايـن=والبر في حادور من حين لا حيـن
ادناه مليـان(ن) كراتيـن فايـن=واقصاه ضاق وضيقوبه هل الضين
وضاقت مناهج طيبين الضغايـن=واللي على المقناص بالطير ضارين
واليوم كان اللي يحاكيـك مايـن=هذي سبوقك وانتهض بالجناحيـن
وهاجر مهاجر مبحرات السفايـن=للصين والا اهبط على ضلع قزوين
لو كان عندي ما فراقـك بهايـن=حنا عـزاز ولا نهيـن العزيزيـن
خلك تروح ولا تشوف الغبايـن=شاملك عفواً مثل عفو المساجيـن [/poem][/align]