لاحول ولاقوة الا بالله .,
اللهم لاتؤخذنا بما فعل السفهاء منّا .,
للحق صوتٍ من ثـلاث ايـام فـي فكـري يـدور
والسالـفـه مـاهـي قصـيـده تِنْـكِـتـب بكتـابـهـا
لاوالله الا خايـفٍ مـن عاقـبـة بـعـض الأمــور
ومن كلمةٍ ينطق بها اللي مايحَسْـب حسابهـا
وينْزل غضب ربي علينا ثـم نهلـك فـي دبـور
أمثـال مـن ربــي ذِكَــر فالـذِكْـر ســوّْ عقابـهـا
وياسعود جيتك والخبر تلقاه من بين السطور
مـن بعْـد ماسقـت القـدم بسهولهـا وهضابـهـا
وامسيت دمّي مثل غيري من هل العزّه يفـور
فـي ليلـةٍ أضفَـت علـى راس الجبـل جلبابـهـا
ولمحت فيها الفتنه اللي ضيّقت كـل الصـدور
وانا الذي من قبْـل احـذّر مـن قبـس مشهابهـا
كتبت عن فتنة لميس وصحت بلسان الغيـور
وبيّـنْـت واقعـهـا بـعـد ماشـفـت جــرّة دابـهــا
واليوم شفت اللي يقدّسها وبالصوت الجهـور
ويحـد سيفـه والـدعـاه اهــل الـهـدى يغتابـهـا
ويشـبـه الكعـبـه براعـيـة التـبـرج والـسـفـور
في سابقه . وابرا الى المولى من اللي جابهـا
مـدري طغـى والا غـوى والا يــدوّر للظـهـور
لـكـن عـسـاه بعـلّـةٍ جـــوف الـنـحـر يبـلابـهـا
ويالله يامحيـي الرميـم وباعـثٍ مَــنْ فالقـبـور
رحـمـتـك يـارحـمـن عـنّــا لاتـصــك ابـوابـهـا
حنا عبادك نطلبك رحمتـك فـي خيـر الشهـور
فلاتواخـذنـا بِـجُــرْم اهـــل الـفـتـن واربـابـهـا
القثامي محمد .,
مرحبا ومسهلا
وجعلها الله في ميزان اعمالك
صح الله لسانك
ولافض فاك
|