عايض النفيعي

ياخالد الأيام والدنيا تروع
شف وش كٌثر ماراح منها وش بقا!!
تجمع شتات احيان ..وتفرّق جموع
واليا اغدرت تغدر على وضح النقا
اليا اقبلت لك .. (مبسم البنت الفروع)
وأتضيع هقوة كل من فيها هقا
وان كان قفّت عنك لاترجي الرجوع
(وجه البخيل اللي عن الضيف اتّقا) !!
وان زان منها نوع شان الفين نوع
يابئس من دنيا وصحبتها امحقا!!
ياصاحبي ..خلك من الدنيا قنوع
وقل لاكثر الأصحاب فالوقت أعتقا
شف كيف ملّوا منك شينين الطبوع
اللي منوّل لك رفاقه وأصدقا
رفقة سنين اطوال راحت في سبوع
سراب لا بلّ العروق ولا سقا !!
مامن وراها الاّ الأهانه والخضوع
واللي ترفّع عن مرافقها رقا
رجل ٍ تلوعه ساعة الشدات لوع
وآخر يحصّل له عن الجمره وقا
وان كان ماقلبي لما صابك جزوع !
لاعاد ينقل هم لفراق ولقا!!!
احزن واشاطرك الألم واظما واجوع
واعطيك موجز وانتبه .. (واللي بقا) !!
(مقابر الأحياء) ورى حدب الضلوع
اللي حناها الوقت واسنين الشقا !!



[align=center]الله الله الله

لله درّك لله درّك لله درّك

يابن رشيد ماني معلّق ولا ( مبرم ٍ الجابه )

بس صراحه قصيدتك هذي ماتكفيني قرآءتها مره وثنتين وثلاث لا والله تبي تشوف (جـآدتي حمرا عليها )


صح لسانك × صح لسانك × صح لسـآنك


والله لا يهينــك سجــّل إعجــآبي ( إذ1 مـآ عليك أمــر )


خالص تقديري لكـ[/align]

( تــنــاقيــــــــع )







..