السلام عليكم ورحمة الله وبركاته ,
في البدايه مبارك عليكم ماتبقى من الشهر الفضيل
وجعلنا الله واياكم من صوّامه وقيّامه ,
أُختي وجد ,
في الحقيقه انا من متابعي هذا الموضوع من بدايته , ولفت نظري من عنوانه إلى محتوياته ,
وللأسف الموضوع أُعطي اكبر من حجمه .!
وحنّا في هذا المتصفّح أعتقد انّا اجتمعنا عشان نتبادل وجهات النظر ونتناقش مناقشه نستطيع الحصول منها على فائده , وليس تبادل الاتّهامات واصدّار بعض المصطلحات مثل [ ضعيف نفس ] , [ منافق ] , [ ليس من البشر ]
على طريقة [ ليش مو لابس طاقيّه ]
الشعر النسائي موجود وليس مجحود , وفيه إبداع وفيه أسامي مُبدعه ومتفرعنه , ولكن وجود الشعر النسائي بشكل عام ليس بذلك الوجود اللي نتمنّاه وطبعاً مايقارن بقصيد الرّجال , وطبعاً حنا في حديثنا عن الشعر النسائي المحترم مانتكلم عن فتيات الاغلفه اللي يدّعون انهم شاعرات , حنا نتكلم عن الشاعرات اللي مثلكم يازميلاتنا في المرقاب ,
والشاعر ليس ملزوم اذا مدح قصيدة شاعره في متصفحها , ان يمدحها في كل محل !
على سبيل المثال انتي ياوجد ممكن القى لش قصيده عاجبتني بعض الابيات منها , وادخل امدحها من باب الزماله والتشجيع , وبنفس الوقت اثني على الابيات اللي اعجبتني واعلّق عليها التعليق المناسب اللي مايحجّمها ولايعطيها اكبر من حجمها ,
طيّب , اذا اجري معي لقاء او ماشابه , هل انا ملزوم اني اقول والله الشاعره وجد هي الشاعره اللي تحوز على اعجابي ؟!!
اكيد , اذا سُئلت بقول الشاعره اللي تستحوذ على اعجاب ذائقتي من جميع النواحي , سواء في المرقاب والا خارج المرقاب , وبدون مجامله ..
وانا هنا اعتب على الاخت النرجسيه اللي تقول اللي يمدح الشاعره بمتصفحها ولايمدحها في مكان آخر ضعيف نفس !!
والا الشاعر اللي مايبي يتزوّج شاعره ليس من البشر !! طيّب يانرجسيّه اذا الله خلقه وصنّفه من البشر ماعلمتينا وش صنّفتيه ؟
نعود للمحور الثاني , مسألة الزواج من شاعره اللي قامت عليه القيامه
طبعاً حديثنا عن الشاعره المحتشمه ماهوب شاعرة الاغلفه ,
الشعر موهبه , والشاعره ماهوب ذنبها ان الله عطاها ذالموهبه واصبحت شاعره مثل اللي درست وصارت مهندسه والادكتوره مثل ماقال محمد , وطبعاً الموضوع هذا يتفرّع تفريعات واجد , عن نفسي ماودي ارتبط بشاعره قصيدها وصل عند نساء جماعتها وتنشر في المجلات والمنتديات وانتشر عنها القصيد العاطفي والغزلي على كلّ لسان حتى ولوانها تنشر بإسم مستعار , وهذي وجهة نظر ماحد بملزوم فيها ولحد بملزمني عنها !
اما اذا اني تزوجت وحده واكتشفت انها شاعره , ومحد يدري بقصيدها مايمنع
الحكي اللي فوق كلّه وجهة نظري ..
داهمتنا الصلاه
شكراً ياوجد