شف كيف ملّوا منك شينين الطبوع
اللي منوّل لك رفاقه وأصدقا
رفقة سنين اطوال راحت في سبوع
سراب لا بلّ العروق ولا سقا !!
مامن وراها الاّ الأهانه والخضوع
واللي ترفّع عن مرافقها رقا
رجل ٍ تلوعه ساعة الشدات لوع
وآخر يحصّل له عن الجمره وقا
وان كان ماقلبي لما صابك جزوع !
لاعاد ينقل هم لفراق ولقا!!!
احزن واشاطرك الألم واظما واجوع
واعطيك موجز وانتبه .. (واللي بقا) !!
(مقابر الأحياء) ورى حدب الضلوع
اللي حناها الوقت واسنين الشقا !!
ابو مالك
والله انك استاذ شعر ومدرسه بحد ذاتك
وصدقني ان هذا افضل نص لك على الاطلاق من وجهة نظري
ويلامس الاحساس بابيات جزله وابداع متفرد
ابو مالك مافي كثر الكلام فايده لاكن والله العظيم انك تكتب الشعر بشكل ابداعي لايمتلكه الا القلايل
لله درك وصح لسانك ولاعدمتك
|