[align=center]من ابداعات الشاعر

حمد بن عبد الرحمن التميمي

عضو لبرنامج البادية والخيمه الشعبيه بإذاعة الرياض[/align]
[align=center]/
/[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
المال نقص عند بعض الرجاجيـل=لا ودعه بالبنـك وأهمـل زكاتـه
وراعيه ماينفق طمع فيـه وبخيـل=كلمة هلا مـا قالهـا فـي حياتـه
ما يعرف أسعار العويدي ولا الهيل=ولا حقـوق الجـار مـع واجباتـه
ما شب ناره فـي نهـار ولا ليـل=دايـم بوسـط البيـت ويـا بناتـه
يعرف دجاج يصلته وسط برميـل=غطـاه فـوق الجمـر بمتبـلاتـه
حتيش لو زادت عليـه المحاصيـل=محروم والمحـروم فعلـه شماتـه
مشغول بين الناس بالقـال والقيـل=يلعب به الهاجوس لو فـي صلاتـه
ما هوب راعي راي بالحيل حلحيل=لو تكربه بالهرج حميـت حصاتـه
ولا غثته بقعاء وشـاف الغرابيـل=محسوب كنه وحـدةٍ مـن خواتـه
يستاهله من يذبح الحشـو والحيـل=للضيف مـا كـلٍ يسـوي سواتـه
متسلسل من لابـة تعسـف الخيـل=أفعـال جدانـه قـبـل سابقـاتـه
ومجهـز للقنـص طيـر ودربيـل=مـع موتـر فيـه الدبـل بكفراتـه
يطرد ورى طيره بوسط الغراميـل=لا صاد له صيد نزل قـال هاتـه
والى ضواه الليـل حـط المعاميـل=ركب عشـاه ودلتـه مـع تلاتـه
والجسم صاحي ما يبيلـه تحاليـل=ومراجعـة دكتـور ومعالجـاتـه
وزهر النبات مشكل الأرض تشكيل=فيه الخزامـا بزهرهـا مجملاتـه
نور القمـر يكفيـه متعلـل الليـل=مع واحد كـل المراجـل صفاتـه
في وسط عرق باسفله ناقع السيـل=في خبـة فيهـا الضبـا وارداتـه
وعلى الفرايض دايمٍ حرص بالحيل=ما يوم عن فـرض تأخـر وفاتـه
حافـظ كـلام الله يرتلـه ترتيـل=يطلب رضى المعبود ويا حسناتـه
والفجر إلى صـلاه سبـح بتهليـل=وقرص الجمر سواه وسط جمراتـه
ياخذ ويعطي حق ما يعرف الميـل=جنًـب عـن الطمـاع ومغالطاتـه
ومن جاه في موضوع يلقى التساهيل=ما يطلـع إلا حاجتـه منـه جاتـه
تمت بذكر مكمـل الديـن تكميـل=رب يغفـر الذنـب مـع سيئـاتـه [/poem]



[align=center]تحياتي [/align]