[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الا ياهل المسجد ورا ما اسمع الاذان = ولا له امام وناقص ٍ بعض الاغراضي
جفاه الزمان اللي غدر به وجوره بان = وانا اشوف حتى شارعه مظلم ٍ فاضي
عسى من بنى المسجد وسيس له السيسان= اله فالجنان قصور واثمار ورياضي
والا ياوجودي كل ما قلت وقتي زان = صدف لي صواديف ٍ تذكرني الماضي
والا ياعيون ٍ دمعها جرّح الاوجان = كما جرح سيل ٍ مع مسيله ليا فاضي
تهل العباير كنها وابل الودان = ويطري علي علوم ٍ طوال ٍ عراضي
الا يازمان فات ما ينصخي باثمان = زمان السعادة راح ما عاد ينعاضي
والا ياهموم ٍ داخل النفس والوجدان = لها في صميم القلب مشتى ومقياضي
والا يامعين اللي تعود على الاحزان = وعلى ما كتب رب الملا صابر ٍ راضي
انادي بعالي الصوت وين انت يالنسيان = يقولون فيه علاج من بعض الامراضي
اناديه لكنه مصر ٍ على العصيان = وابشكيه لله لله الحاكم القاضي[/poem]