لاواهـنـي الـلآدمـي واهـنـيّـه
لاصـار ماعنـده مشاعـر ولاقلـب
يشوف موت النـاس والنـاس حيّـه
من القهر والظلم والفقـر والغلـب !!
وش مامعـاه مـن العظـام الطريّـه
يروح يكسرها على عظمهـا الصلـب
علـى غــرار النـاقـه اليعربـيّـه
تبلـدت وأستحلـت النحـر والحلـب
علـم بهـا اللـي نظرتـه هامشيّـه
نصف الحوادث من تصادم ومن قلـب
مابـه ضيـاع الا ضيـاع الهـويّـه
اللي على سوق الفلس تنجلـب جلـب
نصـف المكـارم فـإنتظـار المنيّـه
والنصف الآخر في حرا النهب والسلب
مايجعـل النفـس الغنـيّـه غنـيّـه
الا السمو اللي على ( قمـة الألـب )
واللي على ( الجاهل ) يـرد الخطيّـه
كنه يعض ( الكلب ) لاعضه الكلب !!
القصيده تستاهل الرفع
وشاعرها يستاهل الاعجاب
صح لسانك يابوعبيد
|