[poem=font="Simplified Arabic,6,darkred,bold,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black"]
انا وانت عيدنا لكن وين انا وين انت=ياعيد الفواد وفرحة القلب وآماله

بغيت احتفل بالعيد وافرح لكن هونت=وش الفايده لاعيد الواحد لحاله

ترا مايجيلك طعم ياعيد مهما كنت=اذا ماجمعت الشخص باللي على باله

ونا ياحبيبي ماعرفت الهوى وايقنت=بصدقه سواء لما تعلقت بحباله

شربته على غرة ربيع العمر وادمنت=كما يدمن اللي يعشق البن فنجاله

ونا شف بالي شوفتك يالغضي لاهنت=يانور العيون وغيمة القلب وظلاله

ليا ابطيت ماشفتك على ناظري هيجنت=بكار القصايد وارزم الثلب بعقاله

اهيجن لشيخات القصايد ولا دندنت=على اوتار جرحي نوخ الطرقي اجماله

افرح لاحصل قربك ولاما ابتعدت احزنت=غرامك تقول النفس ماتفرح الا له

يجي عيد ويعدي وتبقا مثل ماكنت=غلاك ايتجدد بين الاضلاع منزاله

واذا العيد عدا ماجمع بيني انا وانت=دفنت الفرح وايقضت للجرح مواله

ناصر علي الحارثي (هداج)[/poem]

بصمه
=====
لا صرت لا من جيت منته في مقدمة الصفوف

== احسن تغيب وتمسح الشرهات في عذر الغياب

hdag@maktoob.com