انا على الساحل الشرقي مرسيهـا

ــــــــــــــــــــ بواخر العشق والأمواج .. تطرقها

لو أن مافي البشر واحد .. يواسيها

ــــــــــــــــــــ ماغير الموج فكرتها .. ومنطقهـا

للجادل اللي أصبحها .. وأمسيهـا

ــــــــــــــــــــ و خصلاتها بين أصابعها..تفرقهـاا

سبحان من جلها والزين .. كاسيها

ــــــــــــــــــــ من جرة أقدامها .. حتـى معنقهـا

تلت معاليق صدري من كراسيهـا

ــــــــــــــــــــ واقفت ولا عاد عندي كلمة انطقهـا

راحت بواخر غلاي .. إلا مراسيها

ــــــــــــــــــــ تبقى لو الوقت يبلاها .. ويمحقهـا

الوقت قاسي ولكن .... مايقسيهـا

ــــــــــــــــــــ يحدها لطرقةٍ .. ماهيـب تعشقهـا

كل ما الليالي تذكرني .. بأماسيهـا

ــــــــــــــــــــ ابروز الصورة بصدري وأعلقهـا

غصب اتناسى لو ان مانيب ناسيها

ــــــــــــــــــــ مادام ابن عمها ..... ماهو مطلقها



" فالح الشلوي "