[align=center]السلام عليكم

للتواصل عساها تحوز على الرضى[/align]




[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
سيّد الشوق ما فالناس معصوم = والمقابيل من فينا حسبها
ليه تشرح غموضك وانت مفهوم = يا بعد من مفاهيمه قلبها
ادري ان للهوى عادات وسلوم = وكذبة الحب تتعب من كذبها
فالغلا والوله ما ينفع السوم = حاجتينٍ لك الخافق وهبها
جيت ملزوم والا منت ملزوم = كثر الاعذار منّك من طلبها .!
انت . بسمة فرح في عين محروم = جا يبيها وقال الوقت . جبها
وانتظرك بعيونه وانشد النوم = كم ليله على الذكرى غصبها
خلّ كلّ الكلام وعاتب ولوم= جرح الاحباب يبرا من عتبها
واترك الدمعه اللي سالت اليوم = تهجر العين وتودع هدبها
كان كفي عليها شبه ملزوم = بس خدّك من اللهفه .! شربها
عندي علوم وانت علومك علوم= نبرة الحزن هذي وش سببها .!
كان في وسط صدرك ضيق وهموم = هاتها لي وتسلم من تعبها
منت ظالم معاي ولا انت مظلوم= لعبةٍ حبّها الوقت ولعبها[/poem]




[align=center]وسلامتكم [/align]