[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]

صحيح ان روس الناس دايم تسمى روس = ولآ كل راس يقال له راس يعني راس
على الارض خلق الله تعارف تقول عسوس = وكلٍ ورى همه يكابد كما العساس
إحد يكسب الطاله والامجاد والناموس = وإحد يجمع الخسران والنقص والافلاس
اوآدم لها قدْر وقار وعزاز نفـوس = حسبْها ما يشرى بالورق والذهب والماس
تفاخر بكسب الطيب ماهو بكسب فلوس = يثبّت لها التمجيد قول وفعل واحساس
صناديد محسوبه تدوس الصعايب دوس = نضرها بعيد وشانها فـوق ما ينداس
تخلّد مراجلها وتبقى مثل و دروس = مثل حاتم الطائي مهو مثل ابو نـواس
رجال(ن) حشام ومرجلتها تحشْم اهدوس= تغيب وتحضر افعالها مع كثير الناس
لها يمةٍ صوب الجدي حبلها مسوس = يعنّز نسبها عن خطر عرقها الدساس
اجاويد خلق الله على كل درب اجلوس = تمجّد بني خيْها بخال(ن) عريب الساس
يبشّر بكثرتهم من احمق الى دنفوس = على شاكلة مخطي وجاهل وطابخ فاس
يعانون علّه باطنيه وسوس ضروس = ونشكي خطاهم مثل ما قدْ شكى ابو دباس
صحيح ان جور الوقت يثلمْ لسان الموس = ويجرح بشر في كل ديره ويقطع يآس
تشوف الغضب والحلم مابين قوس و قوس = يطلّعك من هوجاس و يدخْلك هوجاس
لكن الخطأ من كف صاحب يحوسك حوس =خطأ نابض الارجاع مع حضرة الترباس
ليا ضاق صدرك يمكن يقال لك منفوس = وروابع تجيك اخماس واخرى تجيك اسداس
ونزاهة جنابك عن مجادل همج ونجوس = يعلّي مقامك لو تقيس الامور اقياس
تغني لحن مسحوب والاّ لحن منكوس= تحّرق همومك حرّقة البن في المحماس
تحسْس مقامك من ثرى الواقع الملموس= وتلقى مكانك زين ما هو حكي ولباس
يا كثر الاسامي لا فهارس ولا قاموس = خرفات عصر المجتمع دهّوله وعماس
جماعات منفيه لا ريّس ولامريوس= من الاحمق الصامت ليا الاحمق البلآس
خفافيش ليل وحالها في العرب مدروس = تسابق بعضها لا حشيمه ولامجلآس
طيورالسْعد واجد وطلْع السمآ محروس = وعباس بن فرناس عباس بن فرناس
و معفوس لا (عفاس) فعلاً طلع معفوس = ولاهو مثل عفاس جعله فدى عفاس
يقولون روس الناس دايم تسمى روس = على كثر اهلها عدّ اهلها ياقلْ الراس
[/poem]