السلام عليكم ورحمة الله وبركاته
ومن العايدين وكل عام وانت بخير.

ارجو قبولها من اجل مناسبتها

صديق عزيز وغالي جاني قبل يومين يشكي علي يقول لي انا اتورطت ودخلت في عالم الفقر

اخذت لي قرض كبير من احد البنوك واعطيته زميل خبير في عالم البورصه والاقتصاد

واليوم يقول لي صاحبي ماعاد من راس المال شي وانا ابي اعّيد مع الناس والبنك يطلبني القرض وانا

في حالة

عاد انا اتاثرت وحولت شكواه لله سبحانه وتعالى ثم لبو متعب حفظه الله ورعاه؟


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
الاقتصاد انهار والوضع في العالم خطير=والعجب! شقراء.. مع الخيل يومي ذيلها
تقطع المضمار وإن قرّب الشوط الاخير= روحّت والخيل باقي لها باقي لها
مايصير اللي حصل يانشاما مايصير = نحتملها غصب ونحطها ونشيلها
بين راس الضلع وام القناء مبرك بعير=والمنايا كل يوم توّرد سيلها
والجمل ماعاد جاء له رغى ولاّهدير=والعرب تالي الليالي تدنّى حيلها
السنين اعجاف واحوالنا والوقت غير=مالت الدنيا علينا وزادت ميلها
كيّها متمكن من على الضلع القصير=والمهبّل من بكاها نبي نبكي لها
لعبةٍ يلعب بها بوش من مدة بلير=والمذله بعض الاحيان يطفح كيلها
ياسعد خل الفلك في مداره يستدير=دورة الايام تركض وراها خيلها
لاتشرّه وانت غالي ولك قدركبير=الصبر مطلوب والناس لاتشكي لها
الامل لازال موجود والدنيا بخير=والبلد محكومةٍ في ذرى حلحيلها
انتظر لاعل ولا عسى بشرى بشير=الدهر يومين والقوم يكثر قيلها
احتفظ بالسر والسر خله وسط بير=من حفظ تدوينها يكشفه تسجيلها
الضماء والجوع والموت الاحمر والهجير =والفقارى لوّ شكت ماحدن ياوي لها
مالها الا اللي بخلقه وفي شؤنه خبير=ثم ملكنا اللي هموم العرب يركي لها
المليك اللي على الشعب نورٍ مستنير=كلمة التوحيد بين الدول يدعي لها
حاكم بالعدل والشرع والسيف الشطير=لوّ سمع شكوى من اصغر طفل يصغي لها
القضيه مالها غيرابو متعب نصير=حلّها بيديه واهل الوفاء يوفي لها
عاش ماقصّر وسهّل لنا ماهو عسير=مابقى الا ثلةٍ واضح تمثيلها
انكشف تمثيلها للكبير وللصغير=لين صارت قصةٍ ما انعرّف تاويلها
ودي اعلمّك بالعلمٍ لوّ انه مرير=الكوارث والمصايب معي تحليلها
لو معا راعي الغنم شور جيته واستشير=والقلوب اللي تغش العرب ياويلها
الرباء بوابة الفقر والذنب الكثير=والجهل راس المصيبه وُظلمة ليلها
والتقدم والحضارة وديباج الحرير=مالنا منها سواء بالعيون نخيلها
وضعنا حساس واكرم رجل فينا فقير=والمسافه كل يومٍ يقّرب ميلها
المكر والغدر والغش والكذب الوفير=مخمخت في الروس حتى طفاء قنديلها
والله ان الكُبر والموت ما منه مطير= والسنه وايامها جمعّت تحصيلها
ودي اضرب لي مثل قبل ما احّث المسير=نعمة الله من جحدها لقاء تبديلها
فيل صنعاء وابرهه ويش لقيوا من مصير=واهل صنعاء ضامنه نصرها من فيلها
والنصر من عند منهو على ذلك قدير=مرسل ان الطير ترمي حجر سجيلها
والحقيقه كل طير على نهجه يطير=والعقول الفاهمه فكرها يصفي لها
المعاني بين بحر القوفي والغدير=سجلوها واسمحوا لي على تعديلها
مادرى عنها الفرزق ولايدري جرير=دلةٍ شقراء من الكيف زادوا هيلها
السوالف ما حصل من خبرها الا اليسير=موجز النشره حصل واتركوا تفصيلها
ودي انهييها ببيتين معناها مثير= ربُما تبقى مثل للسنين وجيلها
التهاون بالمهّمات فيروس الضمير=والبذخ يفسد بيوت الغنى ويزيلها
لوّ تلالي كوكب الشرق في سودة عسير = كان ماِدفعت ملايين في منديلها[/poem]