منتديات المرقاب الأدبية - عرض مشاركة واحدة

13-10-2008, 03:42 PM

المشاركة الأصلية كتبت بواسطة طلال السيحاني

.
.

الله الله الله الله

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياطبيب القلـب واستـاذ الجراحـه=عطني التشخيص تكفى والصراحـه
لي ثـلاث سنيـن قلبـي ماتريّـح=زادت اوجاعه وانا ماذقـت راحـه
بيـن تخطيـط واشعّـه مقطعيّـه=راح وقتي ليلـه يْعـزّي صباحـه
يسرح الوسواس في راسي ويمرح=وكلّ همٍ جات له فرصـه متاحـه
من طبيـب ليـا طبيبـه والاطبّـا=في بلدنا حصّلـو للنّصـب ساحـه
وآخـر المشـوار دكتـورٍ ملكّـع=مافَرقْت حدود جـدِّه عـن مزاحـه
قال قلبـك قلـب ملتـاعٍ هـواوي=وانت جايٍ من بعيد اسمع نواحـه
قلت ليتك ياطبيـب القلـب تـدري=عن عنا قلبي وعن قصّـة كفاحـه
ياطبيب القلب..لا.. ماانـت بطبيبـه=طبّه اللي جعلنـي فـدوة وشاحـه
هو سبب جرح الخفوق وهو علاجي=والسبب في ضيق صدري وانشراحه
لاجلس عندي وانـا عينـي بعينـه=كنّي اللي جالسٍ في وسـط واحـه
واعتبرني ياطبيـب القلـب هـاوي=ماخذٍ قلبه عـن الحـب استراحـه
عطني التشخيـص والتدبيـر للـي=فاطرٍ خلقه علـى ديـن السماحـه [/poem]

السماحه .. !

والله أنها ذهب صافي يا فالح

صح الله السانك ملايين الـ ، ملايين

و

جددّ أعجابي و متابعتي

،

طلال السيحاااني

هلا وغلا ومررحبا ..

اشكرك على متابعتك يالغالي وكلامك الجميل

صح بدنك وسلمت ,