[poem= font="Traditional Arabic,6,firebrick,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black"]
منهك وحيلي هدته سود الأيام=وحزين حزني واصل اللا نهايه!
وضايع وربعي قوم وأيامي أعوام=وحكايتي مع المآسي حكايه!!
أرجع ورى خوفٍ من الحزن قدام=وليا عكست الوضع .. حزني ورايه!
يمشي معي من وين ما سقت الأقدام=والحمد لله كان هذا قضايه!
إني أعيش اليتم من ضمن الأيتام=وأكبر ويكبر حزن وقتي معايه!
وأسهر ليّا غض الجفن كل نوّام=وأضمى ولا أحدٍ داريٍ عن ضمايه!
وأكف دمعي في ثرى بيض الأكمام=من خوف لا يدروا به أهل الوشايه!
وأعلّق آمالي على أضغاث الأحلام=وأبني قنوطي .. لا تهدّم رجايه!
وأبحر بهمّي في محيطات الأوهام=وأرسي بحزني في سواحل عنايه!
مع كل هذا عن ردى الطبع شوّام=لو ضقت ما أمشي في دروب الغوايه!
أصبر ولو ما أقدر على رد الأنسام=وأكبر في عيني وأتشاوى شقايه!
لكنّي أجزع وأكتم الصوت وأنضام=لا قلت في نفسي متى هي النهايه؟!
ثم جاوبت سود الليالي والأيام=ما شفت شي وكل هذي بدايه!!! [/poem]
|