يا موجع الحزن ما خليّت لي حاجة
جرفتني في طريقٍ ملّ يغرقني
صمتي مجاديف ضد الدمع وامواجه
وحكايتي نفسها عيّت تصدقني
حتى الفرح لا ندهته .. يرجع أدراجه
لا شاف حزني على ياسي معلقني
تعبت .. والعمر شوكه فوق ديباجه
والخطوة تضيع والأيام تسرقني
( أدوج لو كان ما رجلي بــ دوّاجه )
أسابق الحزن .. لكن دوم يسبقني
مثل السجين يتحرى لحظة افراجه
صرت اتحرى السنين السود تطلقني
ما غير اغني لجرح القلب وعلاجه
يمكن الاحزان في لحظة تفارقني
( يا مل قلبٍ يسج وفيه دولاجه
من هاجسٍ بالضماير قام ) يخنقني
يا موجع الحزن ما خليت لي حاجة
حبل الأمل لو بامده .. خفت يشنقني !
الله الله الله الله الله
اقسم بالله العظيم انك ارويتني شعر يامبدع
صح لسانك ولله دررررررك
|