السلام عليكم ورحمة الله وبركاته

اسعد الله ايامكم اخواني اعضاء هذا الصرح وزوّاره

محاوله للخروج عن الغزل واتمنّى ان تحوز على رضاكم

7

7

7



[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهاجسي لا يلحقك فالزمن حيف=ارقى علي روس الرجوم المطلّه
لاتنثني لو تبتليك الصواديف=متني لها وشعيل حمله يشلّه
ميعادنا روس الطوال المشاريف=في منزلٍ ما كل رجل يدلّه
شاعر واشرف لابتي خير تشريف=ماني على ماقيل للكبد علّه
مجبول عن قولة هروج التخاريف=والعلم لاجبته يجي في محلّه
اكتب على معناي من دون تكليف=مما يخلّي القاف محدٍ يملّه
مع اجتماع الليل والحبر والكيف=وفكرٍٍيقدّم للعرب كيف دلّه
اجود من بدع المثايل محاريف=مصيونتٍ عن كل عيبٍ وزلّه
مثل الذهب في زاهيات النفانيف=ماكل مخلوقٍ ٍيبيه يحصلّه
هنا القلم يفعل كما يفعل السيف=يبقى بوسط الذاكره لو أسلّه
يغنيك بدعه عن كثير السواليف=لامن نثر ورده وشيحه وفلّه
يشفقله المتذوق ان كان حريّف=اللي يعرف الشعر دقّه وجلّه
لاصرت واضح مالحق منهجي زيف =تبقى وسومي واضحه مستقلّه
مما يسبب عند ناسٍ ٍملاقيف=ربكه شديده وارتباشه وخلّه
اللي على الهرجه سوات الصراريف=تجمع شريط السالفه ثم تفلّه
مغبونةٍ تسعي لكسر المجاديف=الكذب طبعٍٍ .. و النمايم جبلّه
لكن يابرقٍٍ سرى ماطرك صيف=يموت عودك مارتوي في محلّه
بأشوم عنك ماني لماطرك ضيف=الحر مايقبل طمان المذلّه[/poem]



وسلامتكم