السلام عليكم ورحمة الله وبركاتة

متواضعه للتواصل ،




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
بغيت اكتب قصيده لي ثلاث شهور .. مير ازريت=يا كم تطري علي افكار اباكتبها ،، ولا اكتبها

ولا منك حضرت ، إبلا شعور أجر لي ، كم بيت=ولو في كل نظرة عين .. جمله ما اقدر اعربها

أطالع عينك اليمنى ، وأغني واطرب ان غنيت=واطالع عينك اليسرى ، وافكر وش يناسبها ؟

تمر وتاخذ قلوب البشر ، واضيق لا مرّيت=ولا ودي ،، تراقبك العيون ، ولا تراقبها

من أنفاسك ، يعرفونك ليا من رحت ، وليا جيت=عبقها ينتشر بين الدروب ، اللي تمر إبها

حبيبي ، لا طلبك اللي مضى ، ترجع لي ، وعييت=تذكر .. كل ذكرى فالخفوق ، ولا تتجنبها

تذكر يوم غبت ، وشلت عمري معك ، ماخليت=سوى ذكرى .. ليا مرت طيوفك .. قمت اعاتبها

وكان الليل ، يشبه شعرك المنثور .. يوم اقفيت=ولا كانت نجومك فالسما ، .. لاجل إستدل إبها

تفضل في خفوقي وادهله ، مادمت راع البيت ،=ومشاعره العميقه ، هيم فيها يا معزبها

مشاعر من خفوق يفز لك من طوله ، اليا جيت=مادامك منته بـ مهتم فيها ؟ لا تعذبها[/poem]