للتواصل .. ومحاولة لـ قطع دابر الغياب ..


[poem=font="Traditional Arabic,6,royalblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يا أغلى الاحبه .. يا أول إخوان قلبي=مدري وش اللي في غيابك جنيته!
أكثر من إسبوعين ما تتصل بي=وليا إتصلت بـ خافقك .. ما لقيته!
لو كنت تدري وش غيابك فعل بي=قلبي قبل يدعي حضورك .. دعيته!
تطرّفي يمّك ولو زاد غلبي=اللي سواتك لا شريته .. شريته !
لو أجنب بقربي وبعدك شمل بي=قلبي وأعرفه .. لا عطيته .. عطيته !
وأنت إن ثقل حملك تعزّم وشل بي=اللي من حمول الزمن ما قويته!
مابي تقول أجادت الناس سلبي=حريّتي .. واحيت بي جروح ميته!
وأنا معك كابر وغامر وطل بي=نجم الجدي .. وأدخل على سهيل بيته!
صحيح منتب من ربوعي وصلبي=لكنّك أنت الصاحب اللي اصطفيته![/poem]

أستغفر الله الذي لا إله إلا هو الحي القيّوم وأتوب إليه ..

Ask me