[align=center]عسى أن تجد القبول
,

’

,[/align][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
عسى اللي سرى ليل الثلاثاء شهر شوال=يلقيه ربي خير ويسهل ادروبه
مسامح وأنا لو ما سمحتة قدر وجلال=شفع له غلاه وحله وكفر ذنوبه
سرى والمحاجر موجها يرتطم بالجال=والآهات مفلوته والانفاس مغصوبة
بليلٍ شهر سيف الجفا ونكسر رجال=ستر من حياه وحشمته (جرحه بثوبه)
تلاحق دموع عيونه إردها بشال=بعد مالتفت ماشاف من يلتفت صوبه
وقف بين ياسه والرجاء كنه التمثال=اتلوفه رياح البعد وتعري جنوبه
تمسى على الفرقا عسى الفال غير الفال=وصبح وغرسة بذرة العام مصروبه
توجد بعد ما مال ضلع الصبر ونهال=ودنق وياسه يثني إيديه لجيوبه
كتم ماب قلبه ونطوى والظروف اهزال=حياوي ترده شيمته دون مطلوبه
هذا أنا بليلٍ حسبته عن ثمان اليال=على اللي سرى وآماني العمر مصلوبه
خذاه النصيب اللي حداني على الغربال=وأنا اللي بنيت الحلم (طوبه على طوبه)
بقياه جرح.. ودمعة.. ودبله.. وسلسال=وحاسيس مكسوره وحاسيس منصوبه
لو أني دريت أن آخر الحال هذا الحال=ما وليته أمري يوم الأيام محسوبه
أحبه وحبه بين الأضلاع صال وجال=لو أجحد غلاه أقصى المخاليق يدروبه
له بوسط قلبي فوق زود الغلا منزال=بنته المودة والوفاء ثبت اطنوبه
سقى الله سقى الله قبل لآقف على الأطلال=وتجتاح صدري زفرة الحزن وتجوبه
وأجيله أدور لسعة والدقاق اجلال=فقيرن يدور قوت يومه ومشروبه
وألاقي بقربه جنتي ونشراح البال=يا حيث أن قربه جنه وبعده عقوبة
لا جفت مواريد الوصل ماتت الآمال=لو أن الغلا حيٍ مواريده عذوبة[/poem]

[align=center]...[/align]