؛
مساعد الرشيدي
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياهاجسـي ود..الروابـع وجبهـا=درج بها خبت الضلـوع المهاديـف
واصرف لحنها من نفايـس ذهبهـا=حشمة عسير مدسمة شارب الضيـف
فـي ليلـة متجلـي حسـد ابهـا=للشعر صوت وللقصايـد مواقيـف
رد..السلام اشهى من الغيـم وابهـى=لاحاشتـه ريبـه ولاداخلـه زيـف
سـلام ياشيـخ علـى قمـة ابهـا=يزهى شموخك نايفـات المشاريـف
سلمـت لأبهـا يابشايـر شببـهـا=يامن يلوم ابها وفـي كفهـا السيـف
هدو.. لها الحـر العديـم وعجبهـا=جت له على كيفه وجاها على الكيف
مرت سنـه والفيصلـي ماحسبهـا=لين استهلت له من الرجـم للسيـف
رتـب ظفايرهـا وكحـل هدبهـا=وألبس ترفهـا زاهيـات النفانيـف
حتى ليـا مر..المطـر واصطحبهـا=تلعب معه لعـب الثنيـن المواليـف
امهـل لهـا ليـن النعـاس يغلبهـا=وظفى عليهامشلـح العز..تشريـف
فيصل ولـد خالـد معلـي رتبهـا=هذا الأمير وخل عنـك السواليـف [/poem]
|