اخواني ...أدهشني هذا المتصفح الجميل لأكثر من سبب...تابعته منذ البداية فأصريت (طوعاً) ..ان اشارك هنا....
بداية ...قصيدة الشاعر المبدع والقلم المشاكس العملاق عبدالرحمن المهلكي بنسختها (الاصلية...الكاملة)....احببت ان تكون اول تسجيل حضور لي هنا:
[poem=font="Simplified Arabic,6,firebrick,normal,normal" bkcolor="transparent" bkimage="" border="groove,4,blue" type=2 line=0 align=center use=ex num="0,black"]
لا وداع الا لنفس ٍ ودّعـتها = ودّعتْ نفسي معي لكن .. خذتها
نفسي اللي ودعت نفسي وراحت = روّحت هذي وهذيك الْـحقتها
ودّعت واستودعت سر ٍ بعيني = ذايع ٍ من سرها ما استودعتها
جادل ٍ حطتْ على خدي مياسم = من دموع .. وْ كل خلق الله قرتها
لو لمحها جاهل ٍ ما فكّ خطه = بيتهجّا حْروفها اللي كاتبتها
اسمها يصعب على لْساني يجيبه = والحروف من العذوبه عذبتها
ولو نطقت اسم ٍ عداها متّ موته = تِـرجع ايامي واموت من اوّلتها
لا افتنتني وافتنت غيري طبيعي = المصيبه نفسها معنا افـْـتنتها
كل بنت ٍ فاتنة حسن وْنعومه = لا مشت معها تحس بمرجلتها
ولا غفت بفراشها نام الخلايق =وان صحتْ طشوا عن الروس اغطيتها
الظلام رْموشها لا سدلتها = والنهار عْيونها لا فـتـّحتها
كل ستر وْ كل خدر وْ كل حشمه = من ملابسها البستها وافضحتها
نورها يبدي ورا الشيله ويجهر = ولو تحط الفين شيله ما استرتها
كنها شمس ٍ على الدنيا تبدّت = ما تشاف الا بفلتر من تحتها
من هنا لآخر مدى فـ الكون كله = تنتشر ذرات نفس ٍ شتـتـتها
ليتها ترجع وارد الروح منها = ووش يردّ الروح يمي لا ارسلتها
يعني ابدا وانتهي منها وفيها = لا ملتْ كاس ٍ بكاس ٍ فرّغتها
هذي الدنيا عجايب في عجايب = والعجيب ان العجايب ما سلتها
واعجب الاشيا حياتي في مماتي = لا اكتبتني فـ الحياه بْـ ممسحتها[/poem]
يتبع
|