المبهر المبدع
غازي المغيليث
في نصين تحمل الرووووووووووووووعه
(مرفى القمر والحرير)
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
طاحت سماء الصبر واغتال الفراش الهجيـر=يالله يـا ملتـجـى وجـهـي ويامحـزمـي
يطغي على سطح صدري فيض هـم" غزيـر=وانا ادمي قلـب وعيـون وضميـر ادمـي
ان مرني من نسيـم الصبـح نسمـة عبيـر=مريت جرح" زرعنـي فـوق رمـش قلمـي
اصـور النـاس والدنيـا خضـار وغديـر=واصلب دموعي على شرفـة دمّـي ولحمـي
واحيان احس ان قلبي قلـب طفـل" صغيـر=يسكن عيوني ويركض فـي فمـي ونسمـي
ومابين دفن الشهيق وبيـن نبـش الزفيـر=يعرض على شاشة افكـاري ذهـب وفحمـي
واشوف نوب التذلـل فـي شمـوخ الكبيـر=واشوف عـزة ملـوك الارض فـي معدمـي
واشوف الاجـرام فالوجـة السفيـر المنيـر=واشوف نظرة براء الاطفـال فـي مجرمـي
والياركض وسط وجهي دمـع عيـن الفقيـر=يتمـت مالـي وجاهـي وقدمـي وكـرمـي
وان مدلـي حظـي العـاثـر رمال"وجـيـر=حولـت نفـدة وضلعانـة ذهـب منجـمـي
وغلطان من قال حبـل الكـذب حبل"قصيـر=وغلطان من قال قلب محـب اصـم ابكمـي
والارض لوتؤأمت نيتشـة واداب شكسبيـر=وجابـت وراء التوأميـن الاولـة تـوأمـي
مرت على الجهل واهل الجهل ديمة عصيـر=نهـار" اجـوف وليل"موحـشـن مظلـمـي
صحافـة اليـوم مسنـود وغنـي ووزيــر=اشعـار ماتنبلـع.. وافـكـار ماتهضـمـي
والنود وان فاح فيهـا نفـح جـوري وكيـر=يقـول دمـي عـدا دمــي ودم رحـمـي
الكم فضاءكم نفـاق ومـدح بشـت ومديـر=واليـه فضايـه ياعلـيّ ماخـلا واعـدمـي
والكـم بلدكـم روافـد سلـب عـزة وخيـر=واليه بـلادي فـداء عمـري وفـدوة دمـي
والكم من الحسد.. مايعقـل مسيـر البعيـر=واليه مـن الحـب ماخـلا الجمـل درهمـي
وان ضاع من بخلكـم مثقـال حبـة شعيـر=ماضـاع مـن مـد يمنايـة كـرم حاتمـي
وان مات الاحساس فى ابن ادم ومات الضمير=لاعاد ترجـي مـن ابـن ادم يكـون ادمـي
خلونـي اهيـم فـي وادي وفـي جـم بيـر=وخلوني ابحث عن اجزئـي وعـن معظمـي
ابكي بكاء الغيث واحزن حزن شيخ " ضريـر=وانثر جروحي علـى سكـة جمـر ميسمـي
واللون البحر واضحـك ضحـك طفل"غريـر=واتبـع جـداول خيالاتـي واسـج قـدمـي
خلونـي اكـون للفكـر المناضـل سفـيـر=كـم غيـر النـاس بيـت" شـاردا" ملهمـي
وياعايدة .. عايد التشويق ..وضـع خطيـر=ياسيف موسى نصير وسيـف ابـن مكدمـي
الحب علمني اشياء غيـر واحسـاس غيـر=جروحـة اجـروح غيـر وبلسمـة بلسمـي
والبعد لو حط قلبـي وسـط قلـب السعيـر=فى وجة سيف الوليـد وخنجـر الحضرمـي
والله مانسـاك يامرفـى القمـر والحـريـر=وانتـي جرائـم سكوتـي وانتفاضـة فمـي [/poem]
( آن الآوان )
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله يذكرك الشهـادة يـا عشيـر الغانميـن=ذكرتنـي راع الـورود اليانعـات الفايحـه
اللي ليا من طـل يـارب العبـاد المعدميـن=ثبت قـدم عبـدك تراهـا لامحالـه طايحـه
يا مذكرٍ هالقلب مالك من مضامينـي يميـن=فأعز ما أغلي من ندى الورد وشذا روايحه
حنيت له والقلب ماهو قلب يا لولا الحنيـن=لولا حنينه وأشتياقـه ويـش هـي فلايحـه
له في خفوقي دمعتين وردتيـن وشمعتيـن=وشيءً يفوق النظرة المتذاهلـه والشايحـه
ويا مغوي الزهاد يا عشماوي اللي عاشقين=تخّلـف الله فالقلـوب المتلفـات النايـحـه
العام كّنا عنك يـا ملـح الصبايـا محتميـن=واليـوم ماخليـت منـا واحـدٍ فاللايـحـه
واللي يده فالماء تعذره في مقالـه سالميـن=ماهوب مثل اللي يدينـه فالقـدور الفايحـه
آن الأوان يرق قلبك يـا حـلاة الياسميـن=ترا حلاة العشق في شوف الميانـه طايحـه
كم مرةٍ عودت من عندك وأنا خـال اليديـن=وكم مرةٍ صاحت على فرقا وصالك صايحـه
ياللي وصالك فرض كفاية وصدك فرض عين=اضرب على الكايد مدام ان العواطف سايحة
وتزين والاكان عيت يا عشيـري لاتزيـن=أقل شـي يبايـح الملتـاع وأنـت تبايحـه[/poem]
الله الله الله الله عليك
يابو محمد
وفالك التوفيق وعقبال مانشوفك في شاطيء الراحه
..
|