محمد صالح العتيبي

نقطة مهمه تخص الشاعر راشد النفيعي المسجل معنا بإسم ( راشد العتيبي ) ، تعرضت قصيدة الشاعر راشد خميس النفيعي العتيبي للنقد والتأويل من قبل بعض الكتّاب في بعض المنتديات وهي القصيدة التي قالها بعد خروج ( محمد الحويماني ) من المنافسه في النسخه الثانيه وكلنا يذكر القصيدة وظروفها !



وليعلم المغرضون الذي يسوّقون الإتهامات ويفسّرون القصيدة حسب أهوائهم أنهم غالطوا الحقيقه بتفسيرهم الذي ينم عن جهل وعدم مفهوميه !! ولوكان الأمر كذلك مارضي الشاعر لنفسه بالمشاركة في البرنامج من الأساس ولكنّهم مع الأسف الشديد أطفال منتديات !!

هذه هي القصيدة






[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قال الحويماني بعد هبت على صدره شمال = والجاش فيه وفيه من ضرب الصقيل امع الصقيل
ما ابحل وانا الجمال وبيوتي مع الشطه جمال = ان صدرت تقطع ضما وان وردت تشفي غليل
بيوت لا مرت على الاسماع ما مرت غفال = وسمي يجملها مثل ما جمل الظلما سهيل
يابو ظبي قدرك على راسي وعيني والسؤال = ليش اولك ضحكة مدينه واخرك قسوة رحيل
والله ماكان العشم هذا الجفاء في كل حال = والشعر ياما جمّلك وانتي تناسين الجميل
صعبه تشوفينه وفي ليلة من اعز الليال = ينثر على صدر الورق دمعه من الوزن الثقيل
مكسور خاطر حالته يرثى لها مشغول بال = ماكنه اللي صار فعيون القصايد لك دليل
شفته وانا في خاطري ضيقه تهد الها جبال = لكن عزاي انه وسيع بطان ومتونه تشيل
ياما سعوا في كسر مجدافه وعلمهم وقال = انا الغريق اللي تنفس عشق فبحور الخليل
عذراً محمد,, مابقى لشعورك وخلقك مجال = مات الشعور ,, وماتت الاخلاق من طيب البديل!
مشكلتك انك ما تبور ان بارت وجيه الرجال = مشكلتك انك لا وقفت تعز وقفات النخيل
مشكلتك انك ماتميل ,, ان جار بك وقتك ومال= مشكلتك انك عن طمان كفوفهم كفك بخيل
مشكلتك انك ما كتبت الشعر من وحي الخيال= مشكلتك انك في طوايا سيرتك مثلت جيل
والله مدري ويش اقول .. اشيا كثيره ماتقال = بس الاكيد ان تمثل قمة الشعر الاصيل
انا اشهد انك طلت يالحر النداوي كل عال = راسك طويل وماكرك يالصقر في راس الطويل
بديت في عز الظلام وشع نورك من خلال = وجهك وقلبك وانعكس نورك على الحساد ليل
نطقت في عز السكوت وروح صوتك لاتزال = فاسماعنا وقلوبنا وارواحنا تصهل صهيل
هطلت في عز الدهر واسقيتنا العذب الزلال = الله يا ما احلى الظماء لا صرت بعده سلسبيل
تسابق الاصوات لعيونك ولا فيها جدال = عند الكثير اللي خذينا منك يفداك القليل
جملتنا واللي وهب روحك مفاتيح الجمال = والله مدري كيف يا محمد نرد الك الجميل
فالك محبتنا ولك بيرق سمو الشعر فال = فاقصر زمن يكتب لك التاريخ (تاريخك طويل)
وان كان هم الشاعرمن الشعر يكسب له ريال = همك يابو نواف تكسب قلب بالشعر الجزيل
ابشرك كل القلوب تصيح وتنادي تعال = وقع هنا يا الصقر لا يطري على بالك رحيل![/poem]




أعتقد أن من فسّرها لايفرّق بين العتب والذم !!

،