قصيدة شاعرنا المبدع حاتم البراك
اللتي شارك بها في جولة جده
واجازته اللجنه بالاجماع
نتمنى التوفيق لابو سلطان
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مع فجوج الفكر سجيت واطلقت الخيـال = ماقهرته ليـن زرت السّمـا ونجومهـا
راح يجنح من جنوب السنين اليا الشمال = نوب امجّـد ذكرياتـي ونـوب الومهـا
لين خليت الروابع تحـت روح وتعـال = في مـزاد البـال واحدّهـا واسومهـا
كل جرحٍ جال في خاطري جاله مجـال = والجروح اقل تفكيـر يجـرح صومهـا
يابنات الفكر لو شيّبـت روس العيـال = لحية الشايب من الشيب وش مقسومها
حلّ وقت الحِلّ والحول بالترحـال حـال = وارتخى متن الليالي لحمـل همومهـا
المسا لاطق باب السمـا والظـل مـال = يسلب من الحرّ حريّتـه فـي حومهـا
والزمن ليلٍ بـلا نـور ودروبٍ طـوال = المتاهـه بيـن وديانهـا ورجومـهـا
ينسرق عمر الفتى في درق سمر الليال = بين الم قسوة سهرهـا ولـذّة نومهـا
حاملات الغيب مثل المظاهير الغفال = ماعليهن وسم حتّى نعرف وسومها
والنجاه اسرارها في جويدات الحبال = لين تنقضها المنايا بروس سهومها
ياهوى نفسي وقوفك على الاطلال طال = وش عرفت اليوم من مرمسات رسومها
لاتراودك الحسايـف ويغريـك الجمـال = حرّمت كل المراضع علـى مفطومهـا
ماتشوف الشمس تشرق وسعى للزّوال = سنّـةٍ فيهـا تجلّـت عِبـر قيّومـهـا
انفتح بـاب التكاليـف والهـمّ الجـلال = وانكفت ليلة رخى الحال واقفى يومهـا
مايعيش العمر كلّه ثني غيـر الغـزال = والسباع تقودهـا للمشيـب عزومهـا
[/poem]
|