فراج القرقاح

والقصيد احيان عذب وفالحلا سكر نباتي
والمعاني تختلف والذائقه تفرق حلاته
ان اصبته سجلوها مع بقايا ذكرياتي
واحفظوها ياهواة الشعر مدري يارواته
كم شاعر متعب ٍ نفسه لو انه مايحاتي
فالمجله والقناه وكنها صارت قناته !
والجديد المستجد ان طوّل الموضوع ياتي
وان تعدا الصبر حدّه هات كل العلم هاته !
مات ابن غانم ذياب وعنتره وابن الزناتي
لاغرابه لو لحقه العود واربع من خواته !!
يعني الدعوى تعم ( أل سادتي يا آنساتي )
والتحيه والسلام ورحمة الله وبركاته !





ياسلام
ياسلام
ياسلام
ياسلام



ياوالله اللي جاريت يابو مالك
شاعر صح ومبدع ومتمكن وفي غنى عن شهادتي
صح الله لسانك لين ترضى
اعجابي ومحبتي ومتابعتي الدائمة
اخوك