فكره جميله للجميل .. الزميل .. ابوحمد .. وهي غير مستغربه على أمثاله ....


تفاعلاً مع هذه المتصفح أنقل لكم هذ الحدث والحديث

لامني بعض المتطفلين كثيراً ( مراراً وتكراراً ... وتكاراً وتمراراً !! )
وبشكل مزعج في تربية الابل ... فمنهم من عرج على الخسائر الماديه .. ومنهم من قرر نيابة عنيّ .. !!!! ... أنه ستشغلني عن ماهو أهم ... ومنهم .. ومنهم ... ومنهم ..

فكان هذا الرد الشعري عليهم ... مع الاعتذار لكم عن القصور ... وليس لهم !!!



[poem=font="Simplified Arabic,4,black,bold,normal" bkcolor="transparent" bkimage="" border="none,5,gray" type=1 line=0 align=center use=ex num="0,black"]
يلومني .. في حب ذودي مهابيل = ناساً يحسبون المراجل سوالف
نقالة الكذبات والقال والقيل = وبقلوبهم .. تلقى الفتن والتخالف
اللي يسوون الحيل والمحابيل = وربي مكلفهم .. على غير كالف
أنا .. وذودي ياهل البن والهيل = حزب أشتركي وأتحاد وتحالف
هذي .. مصاريراً وهذي مباهيل = وهذي تبا قيداً وهذي موالف
علط الرقاب .. أم الوجيه المسابيل = هزع الفقار .. مجمله طول سالف
كن الاذاني روس شلفاً مصاقيل = حد السيوف اللي قداها متخالف
أحبها مهما جرى من غرابيل =دام العمر .. والمال.. يا ناس تالف
ولا أسخي بها طول الليال المقابيل = وعن بيعها في ساحة السوق حالف
هذا جوابي .. للرخوم المهابيل = اللي يحسبون المراجل .. سوالف [/poem]



وسلامتكم