[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يابدر هل هلال وهلال وهلال = بيامها يابدر تسعين ليله
ايامها صعبات وليالها ليال = والضيف عيا لايطري رحيله
يرعي الحنايا رعي والضيف وبال = قوي حال وحيل مافيه حيله
يشرب هنا فنجال وهناك فنجال = وسعادتي يابدر بنه وهيله
ثقيل طينة مايجيلك على بال = ثقيل نفس ومنه نفسي ثقيله
المعذره يابدر كان الشرح طال = الاختصار احيان ماهو فضيله
اما يوفي الكيل مكيال مكيال = ولا بلاشي كيلنا لا نكيله
اعمارنا ساعات واحلام وامال = وكلاً على ماقيل يلقى حصيله
تكََََسر الهقوات في غيب وآجال = وتحقيق كل احلامنا مستحيله
نمشي قدم والدرب قدام مازال = للغاية ندور ونلقى وسيله
نصبر على الصكات وحمولنا ثقال = والارض ماجا من سماها تشيله
والسجن تعريفه مساجين واغلال = واصعب منه سجن الشعور النبيله
والوقت مايثبت ويبقى على حال = واقرب مثل تابع نهاره وليله
ويبقى اهتمام الناس في جمع الاموال = والسيل لو يبطي يجي مع مسيله
والخبل ماميز فالاقفى والاقبال = اللي يحسب الدايره مستطيله
تبغى الحقيقه خاتمت كل الاقوال = افتح لها بين الضلوع النحيله
اهم شي تعيش وتموت رجال = ممات عز ولا حياةٍ ذليله[/poem]