الله الله ياهادي
شاعر جزل ولاشك ياهادي ، عالجت الموضوع
باسلوب جميل ولاغرابة في ذلك انت متمكن وشاعرجزل يابو شنيف،
و حمود جاء غضبان لا غضبوا عليه الوالديـن
يقول ربعه في المطـر باتـوا وقافيهـم خيـال
يقول خالد راعـي الجكسـار والثانـي حسيـن
الجكس يبغى سحب والبترول شوفوا كيـف قـال
وأنا نصحته مير أظنـه مـا يطيـع الناصحيـن
يقول أبا أفزع وأنقذ الأصحـاب مافيهـا جـدال
قلت الوحل لا تقربـه لـو إنهـم خشـمٍ وعيـن
اللي يعمـدون السيـول العارمـه فيهـم هبـال
قـال اللـزوم تبيّـن الرجّـال والطيّـب يبيـن
أبا أغتنم ربعي بموتر سحب وآخـذ لـي حبـال
قلت الشجاعه والكـرم والعـزم طبـع الطيبيـن
حيّ الشجيع اللي يجيبه طيـب جـدان وخـوال
وفزع على الصالون دفرنسين جايٍ لـه حنيـن
ثنين في قلبـه ومعطيـه الدبـل ضـد الرمـال
ياطيب قلب حمود مـا جنّـب يسـار ولا يميـن
حتى توصّط بين ربعه في طرف جـرفٍ هيـال
لا شك هاك الليل باتـوا ليلهـم ماهـوب زيـن
عفسهم السيـل وظـلام الليـل طمّـام الجبـال
أمـرٍ عليهـم صـار ماحنّـا لهـم بالشامتيـن
من حاط بـه ذنبـه يضيّـع حيلتـه والاحتيـال
ههههههههه ايبالله ايبالله ،، الله يعينهم هاك الليلة ،، مير الحمد لله على سلامتهم ،
ونحمد الله على نعمة المطر والغيث والارزاق والله يطرح البركة ..
هادي
صح لسااانك يالجزل ، ولاهنت ،
سلامي على فكرك
تحيات اخوك .
|