[align=center].

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العمر درب وبيض الأيام سجات=والجود عمله والسوالف خرافه
والهجر منفى والتجارب محطات=والصمت قارب والتصنع كلافه
والشوق جمره والحنايا متاهات=واللين وصمه والتذاكي جلافه
والوقت خنجر والقرائب عدوات=والقل بحه بالوجيه وكسافه
وبالرغم من هذا على كل مافات=رسمت لك بين المرابع مسافه
أفنيت عمري للأماني ولا جات=حتى شكى ساقي غرامك جفافه
يشرق مدى طيفك ويبعد مسافات=ويعيش منزوع الحنان بكفافه
ماكنك إلا حلم وأوهام وشتات=هجير روح وشحة يدين وآفه
مسكون تربك لحظة الحلم بالذات=وطيفك خجول يذوب لحظة زفافه
مركيتني دون النحر جود وآهات=واخذت فنجالك بجوع وكيافه
وغنيت لك بين الجبال المنيفات=ياحلم مبني بالصدور ومخافه
وزفيت لك نص الأدب والحكايات=ياكوكب الشعر العفيف وغلافه
نعسك يالجوري على بوح الأبيات=تنزل شوي شوي سحر ولطافه
وأجلس على عرش الدول والحضارات=إحساس في طيف الجمال وحرافه
مافادني بعض الحكم والقناعات=غرقت في بحر الغرام وضفافه
لأن الغلا قبل المحبة بدايات=آمين يا(عين المها بالرصافه)[/poem]
.

.[/align]