[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="double,4,gray" type=0 line=0 align=center use=ex num="0,black"]
ابتكلم ياعـرب وارفـع الصـوت=يالي تبون الفـوز والشـك زايـل
الفوز ماهو فوز كـوره وبيلـوت=ولا شعـر ولا مـزايـن قبـايـل
الفوز والله توبتٍ تسبـق المـوت=قبل الوداع وقبـل شـد الرحايـل
لرواح مثل المال والموت ساحوت=والموت مايفرق بقاصـر وطايـل
هاذي نصيح جد والعلـم مثبـوت=ولاخيـر فـي قـولٍ بليـا دلايـل
تغانمو الوقات والوقـت موقـوت=الوقت مثل الظـل والظـل مايـل
يالي تخطط لك مشاريـع وبيـوت=في طاعت المعبود كيف انت قايـل
نسيت بيت الاخره وانت مبهـوت=ماعاد تنفعـك الحيـل والتحايـل
مجاورٍ لك عالـمٍ لاكـن سكـوت=في ساعتٍ فيها تشـوف الهوايـل
النصح واجب قبل لايفوتك الفـوت=النـار يامسكيـن تعمـل عمايـل
قلته وانا مقصر لاكن برفع الصوت=يالي تبون الفـوز وشـك زايـل
الفوز والله توبتٍ تسبـق المـوت=قبل الوداع وقبـل شـد الرحايـل [/poem]

للتواصل /عبدالله العاطفي
al-gentel-2008@hotmail.com