منتديات المرقاب الأدبية - عرض مشاركة واحدة

24-11-2008, 04:16 PM

القريحه صار معها على الشّاعر نظـام
مـا تفـزّ الا لعلـمٍ يـطـقّ ابوابـهـا
جنّبت جلّ المشاعـر مـع جـلّ الكـلام
واغلب الاحيان صار السّكوت اولى بهـا
وليلة البارح سرت برد ماقالـت سـلام
قمت ادوّر لي ذرى من برود اعصابهـا
استفزّتني وانـا كنـت راغـب فالمنـام
وافتحت لي صفحةٍ مـا نويـت اقرابهـا
صفحةٍ عنوانها الظلم جزء مـن الظـلام
يمنع العين الصّحيحه تشـوف احبابهـا
والخساره صدّ مقبـل يسـوق الاهتمـام
لا يـدور للرديـه ولا يـرضـى بـهـا
واختلاف الرائ مالـه صلـه بالاحتـرام
والنفـوس الطّيبـه يكتفـى بعتابـهـا
والثّقه بيـن المطاليـق درعٍ فالزحـام
والتواصـل شيمـةٍ لا يقـف دولابـهـا
والتّجاوز بعض الاحيان عن سهو الحشام
يمنع الجفوه ويقطـع جميـع اسبابهـا
والنقا يردع يد الضّرب من تحت الحـزام
والصّحف ماتنقـري ,, ينقـرى كتابهـا
والاشاره تكفي الحـرّ مـن دون الانـام
مايطالبنـي بتفسيـرهـا واسهابـهـا
((وقفة الخاطر)) مابين العزيزين الكـرام
والله انّي من غلاهـم لـزوم اشقابهـا

الله الله الله

عبد اللطيف الغامدي

اسم له وزنه في المرقاب .. و شاعر لا يشق له غبار
لا يكتب إلا ما يحوز على الإعجاب .. و يسرق الألباب
فـ لله دره من شاعر و صديق و رجل
تقبل تحياتي و إعجابي يا أبو راكان

أخوك/محمـــد ال عبـــدان