[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
فمان لله يا صدق المشاعر والقلوب شهود=فمان لله يا بيض النوايا بينك وبيني

فمان الشوق لاهبت لي الفرقا سواة النود=واخذني يمك احساس القصيد اللي يسليني

ليا حرك سكونه طيفك الفاتن بلين العود= تلقاك الخفوق وجاك بألحانه يغنيني

تمخطر بالحشا لو الحشا من غيبتك ملهود=الا واشيب عيني منك لو ماشافتك عيني

حصيلي منك غاياتٍ حداها دربك المسدود=على جيش النيا يمك تسرحني وتضويني

تعبت اخيل براق الرجا واثر الرجا مجحود=على لاماك مضميني واحسبه منك مرويني

نسيت اني مع الامال اضيع عمري المحدود=غفلة بطول رجوايه وانا الايام تطويني

توكل وانقض الليل الطويل بيومك الموعود=عسى الدرب الخضر دربك وانا لاعاد ترجيني

واذا مريت في بالك وشفت اني معك موجود=على هامش حياتك كان بك مريت تلغيني[/poem]

ــــــــــــــــــــ



.