|
غريب
[align=center]السلام عليكم
جديده لتجديد العهد [/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
توحّد الحزن في صدري وصدري رحيب = يا ليلة البارحه ظلمت . والا انظلمت
ناديت بس المنادي ما لقى له مجيب = حتى نسيت الكلام . وعشت لحظات صمت
ان قلت اخلّي مكاني في مكانه واغيب = وقفت بين الحضور وغيبتي وانقسمت
أودّي الراي لعيون المواجع واجيب = لين اتضح كل خافي للعيون وحكمت
ملّيت اقابل خطا نفسي بعذر النصيب = وافهّــم الناس.. فالدنيا وانا ما فهمت
البارحه .. والهموم جروح .. والليل ذيب = حتى على انّي تندّمت بحياتي .! ندمت
قمت التفت .. لإتجاهاتي وادوّر قريب = وكبار الاعذار ما فادت معي واحتزمت
من عزتي . يوم صار الكون كلّه غريب = وقفت .. رغم الجروح المدميه وابتسمت
يا ليت كلّ النفوس تجازي الطيب طيب = او ليتني قبل لا ابدا بعض الاشيا .! سلمت
ماعاد للجرح ياعوج المحاني طبيب = من كثر ما احسنت ظنّي فالبشر وانصدمت
اعاتب الهقوه اللي رافضه لا تصيب = على الاقل .. اشعر انّي لمت واقول .. لمت
جاملت نفسي وقلت الظن دايم يخيب = والحين حتى من الصبر الجميل انحرمت
ماغابت الشمس في عيني بوقت المغيب = لو اقدر انام يا طول المشاوير .! نمت[/poem]
[align=center]وسلمتو [/align]
من عمر الاعوام ما غيّرتك طبوعي .! = قد شفت لك برق ما له فالسما لمعه
سوّيت يوم الضلوع لقلبك ضلوعي = وجمعت لك شيّ ما تقدر على جمعه
من كثر ما اسرفت في وصلك من دموعي = في يوم فرقاك .! ما طاحت ولا دمعه
آخر تعديل بنت وايل يوم
28-11-2008 في 04:20 AM.
|