[align=center]اليكم بعد السلام عليكم هذه الابيات من باب التواصل عسى ان تجد شي من الاستحسان[/align]

[poem=font="Simplified Arabic,5,green,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يقول من يشري بالمثـال ويبيـع=اللي لفكره عاصي البيت ينصـاع
ينوع المعنى على الكيـف تنويـع=لاجا بسوق(ن)فيه شاري وبيـاع
تلافت(ن)بنـات فكـره مرايـيـع=الهن عليه اليانتحن عنه مرجـاع
ولاشرعن في داخل الجوف تشريع=ماناقصن غير القراطيس ويـراع
اخذت من صافي عذاهن قراطيـع=من عيلمن في داخل الجوف نبـاع
والشعر بحر(ن)فيه تغدا المراميع=ولا ضاع الااهل المعرفه فيه مرمـاع
يضيع فيه مرقـع الهـرج ترقيـع=الي ركب من غيرمجداف وشراع
واليانتصـف محـاصلله مراجيـع=لويملك الثنتين مع دربهن ضـاع
ويقدالهن راع المعرفـه تسانيـع=الـي لحلـوات التماثيـل جمـاع
لاساقهن يمشن لامـره مطاويـع=يصبهن صب الذهب عند صنـاع
واليا تضواهن سـوات المجاميـع=ينقالهن من طيب الكيـف سمـاع
وانا يهيضني مـن القيـل ماذيـع=اللي على موجات الافكـار ينـذاع
قريحتلي تصنـع البيـت تصنيـع=واقدالها قـدم المداخيـل مطـلاع
ولاعاد ابيه يطول مبناه ويضيـع=الزود مثل النقص ماشوفلـه داع
وختمت قافن لاعبنبه علـى ايـع=قافن مغنه بين محنـي الاضـلاع[/poem]