[align=center]السلام عليكم ورحمة الله وبركاااته

قصيده تعبر عن نفسها

أترككم معها[/align]

[poem=font="Simplified Arabic,5,darkred,normal,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
تنحابي الهاجس على سايق الشرهات=يسوق العتب يمي .. وانا اسوقه لذاته

يقول أنت يا فيصل غرامك على المشهات=وقلبك على كيفك تكوّن علاقاته

وأقول أنت ما خليت لمواصلك لذات=تقفي .. وخفّاقك علي زاد شرهاته

وأنا حايرٍ بأمرك .. وجفني حشى ما بات=أسامر خيالك وذبحتني ملاحاته

ما دامك تبي قربي .. وفرصتك عندك جات=تغانم زمانك وأدرك القلب مشهاته

تغانم على قلبٍ يعدّك من الغايات=تغانم على اللي عدّك أسمى طموحاته

ولو حسّ منك بخاطره .. عاتبك بسكات=عتب غآلي لغآلي .. عتآبه بنظراته

يجاوب على فرقاك للورق بالونّات=ولا هملجت عينه تطيح إلك دمعاته

ويسجّ بطيوفك لا لفت بالخفى ساعات=وسجّة طيوفك له من أعز لحظاته

وجوده على شوفك وجود الذي ما مات=وعاف العمر من كثر مصآيبٍ جاته

و وجوده وجود اللي تربى على الطالآت=وتشهد له العربان من كثر فزعاته

وعقب ما غدى شآيب .. تذكر زمانٍ فات=وبارت به العالم وضاعت جمالاته

هذا وجدي ولا لي جدى ألا بنظم أبيات=أعبّر بها عن حزن قلبي وضيقآته

عمومآ يا محبوبي لا تخلف بي الهقوات=وترى علّة أهل الحب لا أخلفت هقواته

عقب ما شرحت الوضع .. في خاطري كلمات=أبي عقلك يركز وراجع حساباته

أما أنك تجي .. ويصير لموآصلك لذآت !!=أو أنك تروح .. وكلّ قلبٍ ومشهآته[/poem]

.................................وفي بالي ( حـروف ) ،، أبنطقها و [ شحّ الكـلآم ] ..!!

Lbeah@msn.com