هذه القوانين و المواقف .. اذا ما صار لك واحد منها
فإنه من المؤكد صار لك شبـيـه لها ...
انها قوانين الطبـيعه الجديده ... ماهيب قوانين نيوتن المعتـّـقه..
إليكم أهم هذه القوانين الطبيعيه:
قانون الاصطفاف :
إذا إنت صاف في طابور بطيء وقمت غيرته، الطابور اللي غيرته فجأة يصير يمشي أسرع من اللي انت الحين فيه !!
قانون التلفون :
مستحيل تتصل على رقم غلط ويطلع مشغول !!
قانون التصليح :
إذا كنت تشتغل ويدينك مليانه زيت و شحم , تأكد إن خشمك بيحكك !!
قانون المعدات :
إذا طاح من يدك أي شي، تأكد انه بيبقى يتـدحرج إلى أن يوصل لألعن مكان ما تقدر تطلعه منه !!
قانون الأعذار :
إذا تأخرت عن الدوام وقلت لرئيسك أن كان عندك بنشر في الكفر،تأكد إنك بكرا بتبنشر صحيح !!
قانون المغطس :
إذا بديت تتوضا أو تتروش , تأكد ميه بالميه إن جوالك بيبدأ يرررررن وما يسكت !!
قانون الالكترونيات :
إذا أخذت جهاز عند مصلح تبي توريه انه ما يشتغل، حزتها بيشتغل ولا كأن شي صار !!
قانون الشاهي :
أول ماتسوي لك كاس شاهي ، تأكد إن رئيسك بيجي ويعطيك شغلة ما تخلص الا لما يبرد الشاهي !!
قانون المصادفات :
إذا كنت ماتبي أحد يشوفك ، فجأة كل اللي تعرفهم بيطلعون لك من كل مكان
منقول مع التبديل و التغيير
